Page:Scottish minstrel (1).pdf/11

11

OF A' THE AIRTS.

First two verses by Burns; the others by Wm. Reid, Bookseller, Glasgow. Air—"Miss Admiral Gorden's Strathspey" Keynote G.

Of a' the airts the wind can blaw,I dearly lo'e the west;For there the bonnie lassie lives,The lassie I lo'e best.Tho' wild woods grow, and rivers row,Wi' mony a hill between,By day and night my fancy's flightIs ever wi' my Jean.

I see her in the dewy flow'r,Sae lovely, sweet, and fair;I hear her voice in ilka bird,Wi' music charm the air;There's not a bonnie flow'r that springs,By fountain, shaw, or green,Nor yet a bonnie bird that sings,But minds me e' my Jean.

O blaw, ye westlin winds, blaw saftA mang the leafy trees;Wi' gentle breath frae muir an' dale,Bring hame the laden bees;An' bring the lassie back to me,That's aye sae neat and clean;Ae blink o her wad banish care,Sae charming is my Jean.

What sighs and vows, amang the knowes,Hae past between us twa!How fain to meet, how wae to part,That day she gaed awa!The powers aboon can only ken,To whom the heart is seen,That nane can be sae dear to me,As my sweet lovely Jean.

MY AIN FIRESIDE.

Words by Mrs. E. Hamilton. Music arranged by Alexander Robertson. Key-note B flat.

O, I hae seen great anes, and sat in great ha's,'Mang lords and 'mang ladies a' cover'd 'wi' braws ;But a sight sae delightfu', I trow I ne'er spied,As the bonnie blythe blink o' my ain fireside.My ain fireside, my ain fireside,As the bonnie blythe blink o' my ain fireside.