This page has been validated.
14
O THIS IS NO MY AIN LASSIE.
Words by Burns. Key-note B flat.
O this is no my ain lassie,Fair tho' the lassie be;O weel ken I my ain lassie,Kind love is in her e'e.
I see a form, I see a face,Ye weel may wi' the fairest plaec;It wants, to me, the witching grace,The kind love that's in her e'e.O this is no, &c.
She's bonny, blooming, straight, and tall,And lang has had my heart in thrall;And aye it charms my very saul,The kind love that's in her e'e.O this is no, &c.
A thief sae pawkie is my Jean,To steal a blink by a' unseen:But gleg as light are lovers' e'en,When kind love is in the e'e.O this is no, &c.
It may escape the courtly sparks,It may escape the learned clerks;But weel the watching lover marksThe kind love that's in her e'e.O this is no, &c.
_(1850)_-_divider_(long).jpg)
THE BANKS O' DOON.
Words by Burns. Music by James Miller. Key-note G.
Ye banks and braes o' bonnie Doon,How can ye bloom sae fresh and fair!How can ye chant, ye little birds,And I sae weary, fu' o' care!Thou'lt break my heart, thou warbling bird,That wantons through the flowering thorn;Thou mind'st me o' departed joys,Departed never to return.
Oft hae I roved by bonnie Doon,To see the rose and woodbine twine;And ilka bird sang o' its love,And fondly sae did I o' mine.Wi' light some heart I pu'd a rose,Fu' sweet upon its thorny tree;But my fause lover stole my rose,But ah! he left the thorn wi' me.
