Seven love songs/Och hey, Johnnie lad

by Robert Tannahill

For other versions of this work, see Och, hey, Johnnie Lad.

Och hey, Johnnie lad.

  Och hey, Johnnie lad!Ye’re no sae kind’s ye should hae been, Och hey, Johnnie lad!Ye didna keep your tryst yestreen.

 I waited lang beside the wood,Sae wae and weary a’ my lane; Och hey, Johnnie lad,It was a waefu’ night yestreen.

 I looked by the whinny knowe,I looked by the firs sae green, I looked o’er the spunkie howe,And aye I thought ye wad hae been.

 The ne’er a supper cross’d my craig,The ne’er a sleep has clos’d my een, Och hey, Johnnie lad!Ye‘re no sae kind‘s ye should hae been.

 Gin ye were waiting by the wood;It’s I was waiting by the thorn. I thought it was the place we set,And waited maist till dawning morn.

 But be na vext my bonnie lass,Let my waiting stand tor thine: We’ll awa to Craigton shaw,And seek the joys we tint yestreen.

---