4 songs (2)

4 Songs;

VIZ.

MAGGIE M'APIE’S LILT.
A Highland Laddie heard of War.
Donald Caird.
I'VE NAETHING TO DO. &c

My auld maiden Auntie and I!!

---

EDIN^R,—Printed for the Booksellers.

MAGGIE M'APIE'S LILT.

TUNE—Toddlin' but and toddlin' ben.

As Maggie M'Apie sat driving her wheel,
Blithe Maggie sung cheery, and Maggie sings weel,
And thus she gaed on, an' wi' nae little glee—
Sin' Johnie's turn'd Temp'rate how happy are we,
He says an' he feels that he is better far,
Than when he frequented the BULL or the STAR,
He's aye hame in time, an' gangs sober to bed
An' up in the morning aye wi' a hale head.
The strongest he drinks now is Coffee or Tea!
Sin' Johnie's turn'd Temp'rate how happy are we;

He wasna lang enter'd an' ere Johnie wist,
We had ham on the eleek, an' meal in the kist,
For now he takes care an' brings home his bau-
An' we never want a bit butter or cheese. [bees,
The weans are fa' eanty, au' liker their meat
We are never fash'd wi' him steppin' out late;
Than they us'd to be, when John took his dead,
What then gaed for whisky we now hae in bread.
The strongest he drinks now. &c.

The Publican Locuts they mak up their trash,
(For it wastes the body as weel as the Cash,)
Sae truly says Johnie, an' weel Johnie kens
That it is ruination to enter their dens,
Yes dens I will ca' them, an' no the best kind,
Gang in an' get tipsy, an' that ye will find,
For some try to plunder whae'er they get in,
Be't Dandy or Drover they'll fleece to the skin.
Avoid them, my friends, an' drink Coffee or Tea,
Sin' Johnie, &c.

Baith me an' my bairns were a' fleein' in rags,
While sailin in silks are the Public-House hags,
An' at our expense, I will tell'd to their face,
But Temp'rance Societies will alter the case.
The Temp'rance Society I'm happy to tell
Is making' my neebours as happy's mysel'
There's Girzy's Guideman he has got a new coat
Sin' he lost the road to the Sign i' Steam Boat.
The strongest he drinks now, &c.
An' Girzy, pnir body's as happy as me.

Now some say to temper themsells the will try,
But somehow or ither they aften get dry,
At times they may splice just for ae single gill,
But then' tis a pity guid Company to spill,

Frae gills to half-mutchkins when ance they're begun,
Then Toddy, when ance they are fair on the run.
O! wad they be wise, like our Johnie and me,
An' drink naething stronger than Coffee or Tea,
The strongest he drinks now, &c.

---

A Highland Laddie heard of War.

A Highland laddie heard of war,
Which set his heart in motion,
He heard the distant cannon roar—
He saw the smiling ocean.

Come weal, come woe, to sea he'd go,
And left, one morning early,
Lachlomond Ben, and the willow glen,
And Jenny that loved him dearly.

He wandered east, he wandered south,
But joy he could not find it,
But he found out this wholesome truth,
And had the sense to mind it.

Of a' the earth, the bonny North,
To cherish late and early;
Lochlomond Ben, and the willow glen,
And Jenny that loved him dearly.

DONALD CAIRD.

Donald Caird's come again;
Donald Caird's some again;
Tell the news in burgh and glen,
Donald Caird's come again.

Donald Caird can lilt and sing,
Blythely dance the Highland fling
Drink till the guidman be blind;
Fleece till the guidewife be kind;—
Hoop a liglin, cloot a pan,
Crack a pow wi' ony man:
Tell the news in burgh and glen,
Donald Caird's come again.

Donald Caird can wire a maukin,
Kens the wiles o' dun deer stawkin;
Leisters kipper; makes a shift
To shoot a moorfowl in the drift.
Water bailiffs, rangers, keepers,
He can waulk when you are sleepers:
Not for bountith or reward
Dare you mill, wi' Donald Caird.

Donald Caird can drink a gill
Fast as hostle wite can fill;
Ilka ane that sells good liquor
Kens how Donald bends a bicker.
When he's fou he's stout and saucy
Keeps the cantle o' the causey:

Highland chief and Lowland laird,
Maun gie room to Donald Caird.

Steek the amrie lock the kist,
Else some gear may soon be mist;
Donald Caird finds orra things,
Where Allan Gregor fand the tings;
Dunts o' kebbne, taits o' woo,
Whiles a hen, and whiles a show;
Wabs o' duds, frae hedge or yard—
'Ware the woody, Donald Caird.

On Donald Caird the doom was stern,
Craig to tether—legs to airn;
But Donald Caird, wi muckle study,
Caught the gift to cheat the woody.
Rings o' airn and bolts o' steel,
Fell like ice from han' an' heel;—
Watch the sheep in fauld and glen,
Donald Cairn's come again.

Donald Caird's come again;
Donald Caird's some again;
Dinna let the Shirra ken,
Donald Caird's come again.

---

MY AULD MAIDEN AUNTIE.

I've naething to do but to sit and to spin,
And crack wi' my auld maiden aunty;

Our gossiping neighbours come dribbling in,
And aye keep a body fu' canty, fu' canty,
And aye keep a body fu' canty.

But our thoughts like the weather are given to
I sigh'd day and night to get married; [change,
And I'm sure gif there aught like a man had made love,
His suit wi' me soon he had carried—had car-
His suit wi' me soon he had carried[ried—

My aunty's sae peevish, her temper's sae sour,
She wearies us a' wi' inspection;
She frowns at the mark o' a prin on the floor,
Our neighbours a' ca' her Perfection—Perfec-
Our neighbous a' ca' her Perfection.[tion—

The hale o' her pleasure is snuff and green tea,
And her auld-fashion'd satins to number;
Ae day she wad try how her hoops fitted me,
And near squeezed my body asunder—asun-
And near squeezed my body asunder.[der—

She sneers like the fox when I speak about men,
I wonder what she makes a wark at—
For I'm sure if her mother's example she'd ta'en
She never had stood in the market—the mar-
She never had stood in the market.[ket—

But wha but our neighbour's son Johnny's come hame
Since the wars were so happily ended?

He tells me my beauty has kindled a flame—
My aunt wad gang daft if she kenn'd it,—she kenn'd it—
My aunt wad gang daft if she kenn'd it.

Twas only yestreen like a statue I sat,
When to hand me the kettle he hurried,
He trod on the tail o' my aunt's tabby cat.
She raved sae, I wished the brute worried—the brute worried—
She raved sae I wished the brute worried.

To-morrow she'll scandal the hale o' the sex,
And ca' me the vilest o' ony:
For I'll bid her guid day ere the sun's in the east
And aff to the Highlands wi' Johnny—wi' Johnny—
And aff to the Highlands wi' Johnny.

---