Answer to the blue bonnet, &c/I Gaed a Waefu Gate Yestreen

by Robert Burns

For other versions of this work, see I Gaed a Waefu' Gate Yestreen.

---

I gaed a waefu' gate yestreen.

I gaed a waefu' gate yestreen,
A gate, I fear, I'll dearly rue;
I gat my death frae twa sweet' een,
Twa love’ly een o' bonnie blue.
'Twas not her golden ringlets bright,
Her lips like roses wat wi' dew,
Her heaving bosom lily white;
It was her een sae bonnie blue.

She talk'd, she smil'd, my heart she wil'd,
She charm'd my saul, I wistna how;
And aye the stound, thedeadly wound,
Cam frae her een sae bonnie blue
But spare to speak, and spare to speed,
She'll aiblins listen to my vow:
Should she refuse, I'll lay my dead
To her twa een sae bonnie blue.

FINIS.