Banks of Forth/The Braes O' Ballochmyle
For other versions of this work, see The Braes o' Ballochmyle.
THE BRAES O' BALLOCHMYLE.
The Cairine woods were yellow seen,
The flowers decay'd on Catrine lea;
Nae lavrock sang on hillock green,
But nature sicken'd on the e'e.
Through faded groves Maria sang
Hersel' in beauty's bloom the while,
An' ay the wild wood echoes rang,
Fareweel the braes o' Ballochmyle.
Low in your wintry beds. ye flowers,
Again ye'll flourish fresh and fair,
Ye burdies dumb in withering bowers,
Again ye'll charm the vocal air:
But here, alas! for me nae mair,
Shall birdie charm or floweret smile;
Fare weel the bonny banks of Air,
Fareweel! fareweel sweet Ballochmyle.