Bess the Gawkie (1828)/I'm weel sair'd wi' spunk

I'M WEEL SAIR'D WI' SPUNK.

I'm weel sair'd wi' spunk, and I'm braid, and I'm brawny,
I'll dare the warst blagt that roars over yon law,
And I hope to see gray hairs to set me down canny,
And crack o'er my summer, and winter, and a'.
Leeze me on eild! it's sae canty and hearty,
To see the auld cairls wi' bonnets sae gran';
How they'll joke wi' the daftest, and laugh wi' the loudest,
While the fire lights their eyes, like a flash in the pan.

There's Mungo M'Farlane, the laird o' Drumgarlin,
A birsy auld hero o' fourscore and five,
But he'll wield his lang arm, and he'll knock down his story,
And keep his ain grun' wi' the gleggest alive.
There's Michael the sodger, wha fought wi' the rebels
And lost his best leg just a wee or they ran:
But he has ane o' wud, and he gars it play thud,
And whare there's a stour Michael's aye in the van.

There's auld Davie Currie, and Laurie his cousin,
They have seen better days, and had siller and lear;
But they're aff-hand and jolly, and wisdom and honour,
Fu' nobly are trac'd on their foreheads sae bare.
Here's t'ye M'Farlane! here's t'ye mt heroes,
The wale o' the kintra weel wardie a. can;
Ye're the relics and proofs o' our au'd Scottish nation;
O! the crony o' cronies, a cracky auld man;

———