Bessy Bell & Mary Gray/Andro and his cutty gun
ANDRO AND HIS CUTTY GUN
She took me in, she set me down,
She hecht to keep me lawin free
But wylie Catlin that she was,
She gart me birl my bawbee.
Blythe, blythe, blythe was she,
Blythe was she butt and ben;
Weel she loo'd a Hawick ⟨gill⟩,
And leugh to see a tappit hen.
I loo'd the liquor weel enough,
But waes my heart my cash ran done,
Lang or I had quench’d my drouth,
And laith was I to pawn my shoon;
Blythe, &c.
When we had three times toom’d the stoup,
And the neist chappin new begun,
Wha started in to heeze our hope,
But Andro wi his cutty gun.
Blythe, &c.
The Carlin brought her kebbuck ben,
And girdle-cakes weel toasted brown,
Weel did the cannie kimmer ken,
It gart the swats gae glibber down.
Blythe, &c.
We ca'd the bicker aft about,
Till dawin we ne’er jeed our bum;
And ay the cleanest drinker out
Was Andro wi‘ his cutty gun.
Blythe, &c.
He did like onie mavis sing,
While she below his oxter sat;
He ca‘d her ay his bonnie thing,
And monie a sappy kiss she gat.
Blythe, &c.
I hae been east, we hae been west,
I hae been far ayont the sun,
But the cleverest lad that e er I saw,
Was Andro wi'his cutty gun.
Blythe, &c.