Birks of Aberfeldy/Plaid amang the Heather

by Anonymous

For other versions of this work, see Plaid amang the Heather.

PLAID AMANG THE HEATHER.

The wind blew hie o'er muir and lea,
and dark and stormy grew the weather,
The rain rain'd sair, nae shelter near,
But my love's plaid amang the heather.

CHORUS.

O my bonny highland laddie,
My winsome weelfar'd highland laddie
Wha wad mind the wind and rain,
Sae weel row't in his tartan plaidie.

Close to his breast he held me fast
Sae cozy, warm, we lay thegither;
Nae summer heat was half sae sweet,
As my love's plaid amang the heather.
O my bonny &c.

Mid wind and rain he told his tale,
My lightsome grew like a feather,
It lap sae quick I could nae speak,
But silent sigh'd amang the heather.
O my bonny &c.

The storm blew past, we kiss'd in haste,
I hameward ran and told my mither,
She gloom'd at first but soon confess'd,
The bowls row'd right amang the heather.
O my bonny &c.

Now Hymen's beam gilds bank and stream,
Whar Will and I fresh flowers will gather,
Nae storms I fear, I've got my dear
Kind hearted lad amang the heather.

O my bonny highland laddie,
My winsome weelfar'd highland laddie,
Should storms appear my Will's ay near,
To row me in his tartan plaidie.

 

---