Bonny Barbara Allan (1815-1825)/Naebody

NAEBODY.

I hae a wife o' my ain,
I'll partake wi' naebody;
I'll tak cuckold frae nane,
I'll gie cuckold to naebody.
I hae a penny to spend,
There—thanks to naebody;
I hae naething to lend,
I'll borrow frae naebody.

I am naebody's lord,
I'll be slave to naebody;
I hae a guid braid sword,
I'll tak dunts frae naebody.
I'll be merry and free,
l'll be sad for naebody;
If naebody care for me,
I'll care for naebody.