Bruce's Address (chapbook)/The Flower o' Dumblain

by Robert Tannahill

For other versions of this work, see Jessie the Flower o' Dunblane.

THE FLOWER O' DUMBLAIN.

THE sun had gane down o'er the lofty Benlomond,
 An' left the red clouds to preside o'er the scene,
While lanely I stray'd. in a calm simmer glomin',
 To muse on sweet Jessy, the flower o' Dumblain.
How sweet is the brier, wi' its saft folding blossom.
 An' sweet is the birk, wi' its mantle o' green;
Yet sweeter, an' fairer, an dear to this bosom,
 Is lov-ly young Jessy the flower o' Dumblain,
   Is lovely, &c.

She's modest as ony, and blyth as she's bonny,
 For guileless simplicity marks her its ain,
An' far be he villian divested o' feeling.
 Wad blight in its bloom the sweet flower o' Dumblain.
Sing on. thou sweet mavis, thy hymn to the e'ening.
 Thou'rt dear to the echoes o' Calderwood glen;
Sae dear to this bosom, sae artless and winning,
 Is charming young Jessy, the flower o' Dumblain.
   Is lovely, &c.

How lost were my days, till I met wi' my Jessy,
 The sports o' the city seem'd foolish an' vain,
I ne'er saw a nymph I would ca' my dear lassie,
 Till charm'd wi' young Jessy, the flower o' Dumblain;
Tho' mint were the station o' loftiest grandeur,
 Amidst its profusion I'd languish in vain,
An' reckon as naithing the height o' its splendour;
 If wanting sweet Jessy, the flower o' Dumblain
   If wanting, &c.