Catherine Ogie (1820)/The spinning o't

For other versions of this work, see The spinning o't.

---

THE SPINNING O T.

Now, Sandy, the winter's cauld blasts are awa',
And simmer we're seen the beginning o't;
I've lang been wearied o' frost and o' snaw,
And sair hae I tir'd o' the spinning ⟨o't⟩
For when we were married our cleedin was thin,
And portith. ye ken, made me eident to spin,
'Twas fain love o' you that first gart me begin,
And blessings hae follow'd the spinning o't.

When mornings were cauld, an' the keen frost an snaw
War blawin', I mind the beginning o't,
An' ye gaed to wark, be't frost or't be't thaw,
My task was nae less, at the spinnlng o't:
An' now we've a pantry baith muckle an fu'
O' ilka thing gude to gang in the mou',
A barrel o ale, wi' some malt for to brew,
To mak us forget the beginning o't.

An' when winter comes back wi' the snell hail an' rain
Nae mair I'll sit down to the spinning o't,
Nor you gang to toil in the cauld fields again,
As little to think on the beinning o't.
O' sheep we hae scores, an' o' kye twenty-five,
Far less we hae seen wad a made us fu' blithe;
But thrift and industry maks poor fouk to thrive,
A clear proof o' that is the spinning o‘t.

Altho' at our marriage our stock was but sma',
An' heartles an' hard was the beginning o't,
When ye was engaged the owsen to ca',
An first my young skill tried the spinning o't:
But now we can dress in our plaidies sae sma',
Fu' neat an fu' clean gae to kirk or to ha',
An' ay look as blithe as the best o' them a',
Sie luck has been at the beginning o't.