Charlie, He's My Darling (Burns)

by Robert Burns

For other versions of this work, see Charlie is My Darling.

Chorus:

An' Charlie he's my darling,

My darling, my darling,

Charlie he's my darling -

The Young Chevalier!

'Twas on a Monday morning

Right early in the year,

That Charlie came to our town -

The Young Chevalier!

As he was walking up the street

The city for to view,

O, there he spied a bonie lass

The window looking thro'!

Sae light's he jimped up the stair,

And tirl'd at the pin;

And wha sae ready as hersel'

To let the laddie in!

He set his Jenny on his knee,

All in his Highland dress;

For brawlie weel he kend the way

To please a bonie lass.

It's up yon heathery mountain

And down yon scroggy glen,

We daurna gang a-milking

For Charlie and his men!