Cream of Tannahill's Songs (3)/Gloomy Winter's now awa'

by Robert Tannahill

For other versions of this work, see Gloomy Winter's Now Awa' (Tannahill).

GLOOMY WINTER'S NOW AWA'.

Gloomy winter's now awa',
Saft the westling breezes blaw,
'Mang the birks o' Stanely slaw
The mavis sings fu' eheery O;
Sweet the crawflower's carly bell
Decks Gleniffer's dewy dell,
Blooming like thy bonnie sell'
My young, my artless deary O.
Come, my lassie, let us stray
O'er Glenkilloeh's sunny brae,
Blythely spend the gowden day,
'Midst joys that never weary O.

Tow'ring o'er the Newton woods,
Lav'rocks fan the snaw-white clouds,
Siller saughs, with downy buds,
Adorn the banks sae briery O,
Round the sylvan fairy nooks,
Feath'ry breckans fringe the rocks,
'Neath the brae the burnie jouks,
And ilka thing is cheery O;
Trees may bud, and birds may sing,
Flow'rs may bloom, and verdure spring,
Joy to me they canna bring,
Unless wi' thee, my dearie O.

---