Dainty Davie (1823)/The blue-eyed lassie

by Robert Burns (1759-1796)

For other versions of this work, see I Gaed a Waefu' Gate Yestreen.

---

the blue-eyed lassie.

I gaed a waefu' gate yestreen,
A gate I fear I'll dearly rue;
I gat my death frae twa sweet een,
Twa lovely een o' bonny blue.
‘Twas not her golden ringlets bright,
Her lips like roses wat wi' dew,
Her heaving bosom lily white;—
It was her een sae bonny blue.

She talk'd, she smil'd, my heart she wyl'd
She charm'd my said I wist na how;
And ay the stound, the deadly wound,
Cam frae her een sae bonnie blue.
But spare to speak, and spare to speed,
She'll aiblins listen to my vow:
Should she refuse I'll lay my dead
To her twa een sae bonnie blue.