Deor
Ƿelund him be ƿurman ƿræces cunnade
unhydig eorl earfoþa dreag hæfde him toge siþþe
sorge ⁊longaþ ƿintercealde ƿræce ƿean oft onfond
siþþan hine nið had on nede legde sƿoncre seono bende
onsyllan monn þæs ofer eode þisses swa mæg:- :⁊
Beado hilde ne ƿæs hẏre broþra deaþ onsefan sƿa sar
sƿa hyre sylfne þing þæt heo gearo lice ongieten hæfde ꝥ
heo eacen ƿæs æftre nemeahte þriste geþencan hu ẏmb
ꝥ sceolde. þæs ofer eode þisses sƿa mæg:⁊
Ƿe þæt mæð hilde monge gefrugnon wurdon grundlea
se geates frage þæt hi seo sorg lufu slæp ealle binom ·
þæs ofer eode þisses sƿa mæg · :⁊
Ðeodric ahte þritig ƿintra mæringa burg þæt ƿæs
monegum cuþ· þæs ofer eode þisses sƿa mæg:- :⁊
Ƿege ascodan eorman rices ƿylfenne geþoht ahte ƿide ·
folc gotena rices þæt þæs grim cyning sæt secg monig sorgum
gebunden ƿean onƿwenan ƿyscte geneahhe þæt þæs cyne rices
ofer cumen ƿære · þæs ofer eode þisses sƿa mæg :⁊ -
Siteð sorg cearig sælum bidæled onsefan sƿeorceð sel
fum þinceð ꝥsyendeleas earfoda dæl mæg þōn geþen
can þæt geond þas ƿoruld ƿitig dryhten ƿendeþ geneah
he eorle monegum are gesceaƿað ƿislice blæd sumū
ƿeana dæl ꝥicbime sylfum secgan ƿille þæt ic hƿile
ƿæs heo deninga scop dryhtne dyre meƿæs deor noma
ahte ic fela ƿintra folgað tilne holdne hlaford oþ
þæt heorrenda nú leoð cræftig monn lond ryht ge
þah þæt me eorla hleo ærge sealde · þæs ofer eode þis
ses sƿa mæg:⁊