Disappointed lover (1)/My bonny Jean

---

MY BONNY JEAN.

Behind yon hills o’ lofty height,
I dearly love to stray,
Whar lads and lasses fondly sport,
And spend the gowden day;
The cheery plains remind the strains,
O' purest joys unseen;
And ilka flow'r deck'd in the bow'r,
Blooms like my bonny Jean.

When dressing Nature busks the vale,
And sprinkles on her dew,
Her bonny silver mantle shines
Out o' the clearest hue;
So neat and fair, wi' splendour rare,
She dazzles a' our een;
Yet fairer dress, she maun confess,
Adorns my bonny Jean.

How sweetly in the summer's e'en,
She skips the gilded plain:
While all the little warbling bands,
Sing welcome back again.
Their tender noise sends cheery joys
Through a’ the hills atween;
The ilka dale, and flowry vale,
Pay homage to my Jean.

FINIS.