Donald M'Donald/And sae will we yet
For other versions of this work, see Sae will we yet.
And sae will we yet.
Sit ye down here my cronies, and gie me your crack;Let the win' tak the care o' this life on its back,Our hearts to despondency we ne'er will submit,For we've aye been provided for, and sae will we yet.And sae will we yet, &c.
Let the miser delight in the hoarding of pelf,Since he has not the saul to enjoy it himself:Since the bounty of Providence is new ev'ry day,As we journey thro' life, let us live by the way.Let us live by the way, &c.
Then bring us a tankard of nappy good ale,For to comfort our hearts, and enliven the tale; We'll aye be the merrier the langer we sit,For we've drank thegither mony a time, and sae will we yet.And sae will we yet, &c.
Success to the Farmer and prosper his plough,Rewarding his eident toils a' the year through;Our seed time and harvest we ever will get,For we've lipen'd aye to Providence, and sae will we yet.And sae will we yet, &c.
Long live the King, and happy may he be,And success to his forces by land and by sea;His en'mies to triumph we ne'er will permit,Britons have aye been victorious, and say will they yet,And sae will they yet, &c.
Let the glass keep its course and go merrily round,For the sun has to rin, tho' the moon it goes down:Till the hour be rinnen round about 'tis time enough to flit;When we fell we aye got up again and sae will we yet.And sae will we yet, &c.