Four Scottish songs/I'll aye ca' in by yon town
For other versions of this work, see I'll ay ca' in by yon Town.
I'll aye ca' in by yon town.
I'll ay ca' in by yon town,
And by yon garden green again;
I'll ay ca' in by yon town.
And see my bonny Jean again.
There's nane shall ken, there's nane shall guess,
What brings me back the gate again,
But she, my fairest faithfu' lass,
And stowlins we shall meet again.
She'll wander by the aiken tree,
When trystin-time drews near again;
And when her lovely form I see,
O haith, she's doubly dear again!
I'll ay ca' in by yon town,
And by yon garden green again;
I'll ay ca' in by yon town,
And see my bonny Jean again.