Four Songs (6)/Roy's Wife of Aldivalloch

by Elizabeth Grant

For other versions of this work, see Roy's Wife of Aldivalloch (Grant).

ROY'S WIFE OF ALDIVALLOCH.

Roy's wife of Aldivalloch,
Roy's wife of Aldivalloch,
Wat ye how she cheated me,
As I came o'er the braes o' Balloch:

She vow'd, she swore she wad be mine,
She said she lo'ed me best of ony,
But oh! the fickle, faithless quean,
She's ta'en the carle, and left her Johnny.

O she was a canty quean,
An' weel could dance a Highlan' walloch
How happy I, had she been mine,
Or I'd been Roy of Aldivalloch.

Her face sae fair, her een sae clear,
Her wee bit mou sae sweet and bonny.
To me she ever will be dear,
Tho' she's for ever left her Johnny.

Roy's wife of Aldivalloch,
Roy's wife of Aldivalloch,
Wat ye how she cheated me,
As I came o'er the braes o' Balloch.