Four Songs (Newton-Stewart)/The Birks of Aberfeldy

by Robert Burns (1759-1796)

For other versions of this work, see The Birks of Aberfeldy.

THE BIRKS OF ABERFELDY.

Bonny lassie, will ye go,
Will ye go, will ye go,
Bonny lassie, will ye go
To the birks of Aberfeldy?

Now simmer blinks on flowery braes,
And o'er the crystal streamlet plays.
Come let us spend the lightsome days
 In the birks of Aberfeldy.

While o'er their heads the hazels hing,
The little birdies blythly sing,
Or lightly flit on wanton wing
 In the birks of Aberfeldy.

The braes ascend like lofty wa's,
The foaming stream deep-roaring fa's,
O'erhung wi fragrant-spreading shaws,
The birks of Aberfeldy.

The hoary cliffs are crown'd wi' flowers,
White o'er the linns the burnie pours,
And rising weets wi' misty showers
The birks of Aderfeldy.

Let fortune's gifts at random flee,
The ne'er shall draw a wish frae me,
Supremely blest wi' love and thee,
In the birks of Aberfeldy.

---