Hand-book of Volapük/Spodam

by Charles E. Sprague

SPODAM.

---

 

1. New York, 1887, batul 18id. Söle Schleyer in Konstanz:
O söl löfik!
Vipöl vedön bonedel Volapükableda Zenodik, sedob ole in pened at tlati plo maks tel e fenigs mäls, suämi boneda yelsik, e begob das opotol bledi al ladet pepenöl diso. Dünan olik divodikün, John Smith, 365 Fifth Avenue.

---

 

2. Chicago, 1887, mälul 20id. Söle Müller und Schultze in Berlin:
O söl pelestimöl!
Pened at polovegivom oles fa flen obsik e bonedel söl Adolphus Snodgrass kel ovisitom Yulop kodü saun e keli kanobs komedön as man pekulivik e digik lotada keli klödobs das olofols ome. Danöl biseo plo flenöf, blibobs, Dünans olsik divodikün, Brown & Jones.

---

 

3. Paris, telul 15id, 1887. Söles Sotoff e Ko., spulals,
in Kostroma:
Söls:
Penunob fa S. Alexandroff, spodel olsik in zif at, das nedols konodeli sevöl, plä jäfs patik tedadoma olsik, magavi e volapüki.

Labedob sevis pevipöl e sikodo dälob obe lofön oles dünis obik plo cäl vagik.

Ss. Gaudin e Langlois in zif obsik lä kels binob pecälöl, sis yels mödumik, okanoms givön oles nünis valik kelis odesidols tefü ob. Lemäno fösefob olis das osteifob melidön konfidi keli ugivols obe. Valadöl gepüki gönik olsik, blibob. D. O. Guérin.

---

 

4.

[Blufapened xama al getön dipedi as Spodal Volapükik de Volapükaklub Flentik, 1887.]

Paris, lulul 22id, 1887. Söle Nicolescu in Jassi:
Potob ole atoso cänapenedis tel suköl:
Fr. 5000, mälul balid su Stihi e Ko.
— 2500, velul balselulid su Vladescu.
Suam: Fr. 7500, su zif olik.
Noelolös geti omas e kadolös omis klödatü kal obik. Falo pel panevilom, begob oli plotetön te cänapenedi su Vladescu.

Nunob oli otüpo das ecänapenedob adelo su ol:
Fr. 6000 büdü Diamandi mul bal sis dät.
Noetolös cänapenedi obik e lasumolös omi gudiko. Dünan olik divodikün, Fould.

---

 

5. Boston, 1887, babul 15id. Labobs stimi nunön oles das eleblimobs in zif at fablüdi sobas, laböl fiami, James Robinson and Company. Begobs olis noetön disopenädis kopanalas e bestimön obis lesuno ko boneds olik, kelas pömetobs befulami kuldadik. James Robinson, Peter Wilkins.

---

 

6. [Blufapened xamas flentik, 1886.] Odessa, kilul 6id, 1886. Söles Lacour e Burdel, vinatedals, Bordeaux: Sedolsös obe dub medam Sölas Charlier e Ko., sedans in zif olsik, segun stips kösömik tedadoma olsik, sotis difik de vins e ligs kels sukoms:

Saint Julien, yel 1878,.. flads 300.
Graves, vietik, yel 1855..otos 150.
Vve. Cliquot,...flads lafik 200.
Chartreuse, liköf balid,.liäts50.

Abinoböv vemo kotenik if äkanob-la getön bonedi obik büfü fin mula at.

Besäkolsös Söli Melnikoff in Marseilles, flen e kolänan obik, dö klödat keli tedadom obik melidom; söl at egivom obe völadalisedi olsik e ekomedom levemo vinis olsik.

Spelöl das sek jäfa at balid okodom suno bonedamis nulik, blibob dünan olsik divodikün, Gruzentzeff.