Highland Harry/The Highland Widow
THE HIGHLAND WIDOW.
Oh! I am come to the low country,
Ochon, ochon, ochrie!
Without a penny in my purse,
To buy a meal to me.
It wasna sae in the Highland hills,
Ochon, ochon, ochrie!
Nae woman in the country wide
Sae happy was as me.
For then I had a score o' kye,
Ochon, ochon, ochrie!
Feeding on yon hill sae high,
And bringing milk to me.
And there I had threescore o' ewes,
Ochon, ochon ochrie!
Skipping on yon bonny knowes,
And casting woo to me.
I was the happiest o' the clan,
Sair, sair, nay I repine,
For Donald was the bravest man,
And Donald he was mine.
Till Charlie be came ower at last,
Sae far to set us free;
My Donald's arm was wanted then
For Scotland and for me.
Their waefa' fate what need I tell,
Right to the wrang did yield,
My Donald and his country fell
Upon Culloden field!
Ochon, ochon, oh, Donald, oh!
Ochon, ochon, ochrie!
Nae woman in this world wide,
Sae wretched now as me!