Highland Laddie (4)/Jessy the Flower o' Dumblane
For other versions of this work, see Jessie the Flower o' Dunblane.
Jessie, the flow’r o’ Dumblane.
⟨The⟩ Sun had gane o’er the lofty Benlomond,and left the red clouds to preside o’er the scene,While lanely I stray’d in a calm simmer gloamin’to muse on sweet Jessy the flow’r o’ Dumblane.How sweet is the brier wi’ its saft faulding blossomand sweet is the birk wi’ its mantle o’ green;Yet sweeter and fairer, an’ dear to this bosomis lovely young Jessy the flow’r o’ Dumblane.
She’s modest as ony, and blythe as she’s bonny,
for guileless simplicity marks her its ain;An’ far be the villain divested o’ feeling,wha’d blight in its bloom the sweet flow’r o’ Dumblane. Sing on thou sweet mavis, thy hymn to the e’ening,thou’rt dear to the echoes o’ Calderwood glen;Sae dear to this bosom, sae artless and winning,is charming young Jessy the flow’r o’ Dumblane. How lost were my days till I met wi’ my Jessie,the sports o’ the city were foolish and vain,I ne’er saw a nymph I would ca’ my dear lassie,till charm’d wi’ sweet Jessie the flow’r o’ Dumblane.Tho mine were the station o’ loftiest grandeur,’midst its profusion I’d languish in vain,An reckon as naething the height o its splendor if wanting sweet Jessie the flow’r o’ Dumblane.
FINIS