Irish wedding (1)/O Leeze Me On My Spinning Wheel
O LEEZE ME ON MY SPINNING WHEEL
O leeze me on my spinning wheel,
And leeze me on my rock and reel,
Frae tap to tae that cleeds me bien,
And haps me feil and warm ⟨at⟩ een.
I'll sit me down, and sing and spin,
While laigh descends the simmers' sun;
⟨Bleeze⟩ wi content, and milk and meal,
O leeze me on my spinning wheel.
On ilka hand thro bairnies trot.
And meet below my theekit cot
The scented, birk and hawthorn white,
Across ⟨the⟩ pool their arms unite,
Alike to screen the birdie's rest,
And ⟨little⟩ fishes caller rest:
The sun blinks kindly in my bial,
Where blythe I turn my spinning wheel.
On lofty aiks the cushats wail
And echo cons the soleful tale;
The lint-whites in the hazel braes,
Delighted, rival ither's lays;
The craik amang the clover hay,
The pairtrick whirring o'er the ley,
The swallow jinkin round my shiel,
Amuse me at my spinning wheel.
Wi' sma' to sell, and less to buy,
Aboon distres, below envy,
O! wha wad leave this humble state,
For a' the pride of a' the great?
Amid their cumbrous diosome joys,
Can they the peace and pleasure feel,
Can they the peace and pleasure feel,
Of Betsy at her spinning wheel.