Lament for Abercrombie/Wood of Craigie Lea

by Robert Tannahill

For other versions of this work, see Thou Bonnie Wood of Cragie Lea.

---

 

WOOD OF CRAIGIE LEA.

 

  Thou bonnie wood of Craigie lea,
  Thou bonnie wood of Craigie lea,
  Near thee I spent life's early day,
  And won my Mary's heart in thee.

The broom, the brier, the birken bush,
 Bloom bonny o'er thy flowery lea,
And a' the sweets that ane can wish,
 Frae Nature's hand are strew'd on thee.
    Thou bonnie wood, &c.

Far ben thy dark green plantings shade,
 The cnshat croodles am'rously,
The mavir, down thy bughted grade,
 Gars echo ring frae every tree,
    Thou bonnie wood, &c.

Awa', ye thoughtless, murd ring gang,
 Wha tear the nestlings e're they flee;
They'll sing you yet a cantie sang,
 Then O in pity let them be
    Thou bonnie wood, &c.

When winter blaws in sleety show'rs,
 Frae aff the norlan hills sae hie,
He lightly skiffs the bonny bow'rs,
 As laith to harm a flow'r in thee.
   Thou bonnie wood,

Tho' fate should drag me across the line,
 Or o'er the wild atlantic sea,
The happy hours I'll ever mind
 That I in youth had spent in thee.

   Thou bonny wood of Craigie lea,
   Thou bonny wood of Craigie lea,
   Near thee I pass'd life's early day,
   And won my Mary's heart in thee.