Lewie Gordon (n.d.)/The wauking o' the fauld

by Allan Ramsay

For other versions of this work, see My Peggy is a Young Thing.

---

THE WAUKING O' THE FAULD.

My Peggy is a young thing,
Just enter'd in her teens,
Fair as the day and sweet as May,
Fair as the day, and always gay.
My Peggy is a young thing,
And I'm not very auld.
Yet well I like to meet her at
The wauking o' the fauld.

My Peggy speaks sae sweetly,
Whene'er we meet alane,
I wish nae mair to lay my care,
I wish nae mair of a' that's rare.
My Peggy speaks sae sweetly,
To a' the lave I'm cauld;
But she gars a' my spirits glow,
At wauking of the fauld.

My Peggy smiles sae kindly,
Whene'er I whisper love,
That I look down on a‘ the town,
That I look down upon a crown,
My Peggy smiles sae kindly,
It maks me blythe and bauld,
And naething gie's me sic delight,
As wauking of the fauld.

My Peggy sings sae saftly,
When on my pipe I play;
By a' the rest it is confest,
By a‘ the rest, that she sings best.
My Peggy sings sae saftly,
And in her sangs are tald,
With innocence the wale of sense,
At wauking o‘ the fauld.

finis.