Lilies of the Valley (1825, Stirling)/Up in the Morning

by John Hamilton (1761-1814)

For other versions of this work, see Up in the morning early (Hamilton).

UP IN THE MORNING.

Cauld blaws the win frae north to south
And drift is driving sairly,
The sheep are couring in the heugh,
O sirs! it's winter fairly
Now up in the morning's no for me,
Up in the morning early,
I'd rather gang supperless to my bed,
Than rise in the morning early.

Loud roars the blast amang the blant,
The branches tirling barley,
Among the chimley taps it thuds,
And frost is nipping sairly.
Now up in the morning's no for me,
Up in the morning early,
To sit a' night I'd rather agree,
Than rise in the morning early.

The sun peeps o'er the southlan hill,
Like ony timorous cadie,
Just blinks a wee, then sinks again,
And that we find severely.
Now up in the morning's no for me,
Up in the morning early
When snaw blaws into the chimley taps,
Wha'd rise in the morning early.

Nae listles lilt on hedge or bush,
Poor things they suffer sairly,
In cauldrife quarters all the night,
A' day they feed but sparely.
Now up in the morning's no for me,
Up in the morning early;
Nae fate an be wour in winter time,
Than rise in the morning early.

A cosey house and canty wife,
Keeps aye a body cheerly;
And pantry stow'd w' meal and maut
It answers unco rarely
But up in the morning na, na, na,
Up in the morning early:
The gowan maun glent on bank and brae,
When I rise in the morning early.

---