Lucy's Flittin' (1819)/'Twas ae day in Autumn
N A N C Y.
Tune—Humours of Glen.
Twas ae day in ⟨autumn⟩ and just in the gloamin,
As wandering down by the burnie sae clear,
O what do ye think I should meet in my roamin
But Nancy, sweet Nancy, my ain only dear.
The leaves o' the trees were thick fa in around us,
And a' things look'd duwie, but Nancy's fair face,
An' blushin,'she looked as the new-risen moon does,
When first she peeps out of the watery space!
I gazed on her charms a' sae sweet an invitin',
And cried, O ye powers, who govern above!
Sure woman was made for man to delight in,
And cauld is tha' breast ne'er enlivened by love.
For what can compare wi' the thrilling emotion
The saft preturbation that swells i' the breast
The sigh that is breath'd wi' the utmost devotion,
And the soul wi' delight and wi' rapture opprest!
When Nature's asleep, and the loud winds are roarin',
Owre mountain and dale, thro' valley an' tree,
The charms o my Nancy I still am adorin',
For they are as spring or as summer to me!
O fresh on her cheek are the new-⟨blawin⟩ roses,
Love throws his fond blinks frae the tail of her ee;
And deep in her bosom there peace ay reposes,
Wha'd banish it thence! O it ne'er shall be me!