My Nannie O/The Lass o' Aranteenie

by Robert Tannahill

For other versions of this work, see The Lass of Aranteenie.

THE LASS O' ARRANTEENIE.

Tune—"I had a horse.

Far lone amang the Highland hills,
'Midst Nature's wildest grandeur,
By rocky dens, and woody glens,
With weary steps I wander.
The langsome way, the darksome day,
The mountain-mist sae rainy,
Are nought to me when gaun to thee,
Sweet lass o' Arranteenie!

You mossy rose-bud down the howe,
Just op'ning fresh and bonnie,
It blinks beneath the hazle bough,
An's scarcely seen by onie:
Sae sweet, amidst her native hills,
Obscurely blooms my Jeanie;
Mair fair an' gay than rosy May,
The flow'r o' Arranteenie.

Now, from the mountain's lofty brow,
I view the distant ocean;
There av'rice guides the boarding prow—
Ambition courts promotion.
Let fortune pour her golden store,
Her laurel'd favours many—
Give me but this my soul's first wish,
The lass of Arranteenie.

---