New minstrel/Up in the Morning Early
For other versions of this work, see Up in the morning early (Burns).
UP IN THE MORNING EARLY.
Up in the morning's no for me,
Up in the morning early;
When a the hills are cover'd wi' snaw,
I'm sure it's winter fairly.
Cauld blaws the wind frae east to west,
The drift is driving sairly;
Sae loud and shrill's I hear the blast.
I'm sure it's winter fairly
Up in the morning &c.
The birds sit chittering on the thorn,
A' day they fare but sparely
And lang's the nicht frae e'en to morn
I'm sure it's winter fairly.
Up in the morning, &c.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse