New pease strae/The new pease strae

the

NEW PEASE STRAE.

THE country swain that tends the plain,
driving the lightsome plough,
At night, tho’ tir’d, with love a’ fir’d
he views the lasses’ brow.
When morning comes, instead of drums,
the flails clap merrily,
To raise the maids oot o’ their beds
to shake the Pease Strae.

Fair Jenny raise, put on her claiths,
fyne turn’d her voice to sing:
She sang sae sweet, with notes compleat,
gar’d a’ the echoes ring;
An’ a’ the maids laid by their flails,
then danced merrily,
And bless’d the hour that they had power
to shake the Pease Strae.

The musing swain, disturb’d in brain,
fast to her arms he flew,
And strove a while then, wi’ a smile,
said, Jenny redd in here.
She cries right aft, I think ye’re daft,
to tempt a lassie sae;
Ye’ll do me wrang, pray let me gang,
an’ shake the Pease Strae.

My heart. Said he, fair wounded be,
for thee, my Jenny fair;
Without a jest I get nae rest,
my bed it proves a snare.
Thy image fine presents me syne,
an’ taks a’ rest frae me;
An’ while I dream, in your esteem,
you reckon me your fae.

Which is a sign ye will be mine,
dear Jenny sayna na’,
But soon comply, or else I die,
sae tell me but a flaw;
If thou can love, there’s none above
thee, I can fancy sae;
I would be blest, if I but wist
that ye wou’d shake my strae.

She, wi’ a smile, said, ye’re beguil’d,
I mauna fancy thee;
My mither bauld, she would me scauld,
sae dinna die for me.
But yet I own, as I’m near grown
a woman, since it’s sae,
I'll marry thee, syne ye’ll get me
to shake your Pease Strae.