New song, called Auld Scotia free/The lovely lass of Allan-Down

The lovely lass of
ALLAN-DOWN.

Tune, Banks of Banna.

Yestreen I had a pint o’wine,
a place wher body saw na;
Yestreen lay on this breast om nine
the raven locks o’ Anna.

The hungry Jew in wilderness,
rejoicing o’er his manna,
Was neathing to my hinny bliss
upon the lips o’ Anna.

Ye monarchs, tak the east and west’
frae Indies to Savannah;
Gie me within my straining grasp
the melting form of Anna.

Then I’ll despise imperial charms,
an empress or sultana,
While dying raptures in her arms,
I give and take wi’ Anna.

Awa’ thou flaunting god of day!
awa’ thou pale Diana!
Ilk starn gae hide thy twinking ray,
when I’m t meet my Anna.

Come in thy raven plumage, night,
sun, moon and stars, withdraw a’!
And bring an Angels pen to writ
my transports wi’ my Anna.

The kirk and state may join and tell
to do such things I maunna;
The kirk and state may say so still,
and I’ll gae to my Anna.

She is the sunshine o’ my ee’
to live with her I canna;
Had I on earth but wishes three,
the first would be my Anna.