Newes from the Dead/Nondum cessàrunt Miracula

by Richard Watkins

Nondum cessârunt Miracula, dogma profanum
Mentiri Ancillæ Vita Novata docet.
Estne fides? non triste Forum, non tristior Illo
Judex, Voxq́ꝫ Ipsotristior——estne fides?
Non Crux, non Restis; non Ungula Militis, & quam
Non ferat Alcides pectore crebra manus,
Cuncta hæc particulam Vitæ non cedere cogunt,
Sed valet extremum Virgo loquuta Vale.
Sic nescit, nisi viva, Sepulchrum impura Sacerdos
Vestali caluit cui modò dextra foco.
Exili Lachesis non semper Stamine gaudet,
Et Funes novit Parca Benigna suos.
Hæc si non Ratio est Restim elusisse Puellam,
Quæ causa est? meritò credo fuisse Levem.