18. Gatun noa barun wiya, NakuUa bon bag͏̇ Tliatannug͏̇ puntimulléu͏̇n barán moroko tin yanti málma kiloa.
19. A! g͏̇utan bag͏̇ nurun kaiyu waitawolliko maiya ko g͏̇atun wuarai ko, g͏̇atun yantin ko kaiyu bukkakan ko; g͏̇atun keawai wal nurun yarakai umulliko.
20. Pital-mai yikora nura-nura, g͏̇ali tin g͏̇urullikan tin bara marai nurun ba; unti birug͏̇ pita͏̇lma nura, kulla yitirra nurúnba upatoara moroko ka ba.
21. Yakita ta noa pital-lan kakulla marai ta, g͏̇atun wiyelliela, Kauwa tia yanti, Biyug͏̇, Piriwal ta moroko koba g͏̇atun purrai koba, kulla bi ba unnoa tara yuropa g͏̇ali unti birug͏̇ g͏̇uraki ta birug͏̇, g͏̇atun bi túgkaiya unnog, tara barun bobog͏̇ ko; kauwa yanti, Biyug͏̇, koito ba murra͏̇ra͏̇g ta g͏̇iroug͏̇ kin katan mikan ta.
22. Yantin ta tia wupéa emmoug͏̇ kinko Biyug͏̇baito; g͏̇atun keawai kiiriko bon yinal g͏̇imilli pa, wonto ba Biyug͏̇baito; g͏̇atun Biyug͏̇bai yinallo g͏̇imilléu͏̇n, g͏̇atun niuwoa yinallo túg͏̇unbinu͏̇n bon Biyug͏̇bai.
23. Gatun noa willarig͏̇ kakulla g͏̇ikoug͏̇ kai koba wirrobullikan koba, g͏̇atun wiyelliela kara, Kauwa yanti murra͏̇ra͏̇g͏̇ ta natan g͏̇aikug͏̇ ko unni tara natan nui-a ba:
24. Kulla bag͏̇ nurun wiyan, kauwallo †propetto g͏̇atun piriwa͏̇llo na pa unni tara natan nura ba, g͏̇atun bara keawai na korien; g͏̇atun gurra pa unni tara g͏̇urran nura ba, g͏̇atun keawai g͏̇urra korien.
25. A! tarai wakal †nomiko g͏̇arokéa wokka lag͏̇, g͏̇atun wiya bon, wiyelliela, Piriwal, minnug͏̇ banúin bag moron kakilliko yanti-katai?
26. Wiya bon noa, Minarig͏̇ upa wiyellikanne? yakoai bi wiyan?
27. Gatun noa wiyayelléu͏̇n, wiyelliela, Pita͏̇l kakilliko bi Piriwa͏̇l ko Eloi ko g͏̇iroúmba ko yantin to búlbúl lo g͏̇iroúmba ko, g͏̇atun yantin to marai to g͏̇iroúmba ko, g͏̇atun yantin to kaiyu ko g͏̇iroúmba ko, g͏̇atun yantin to kotellitó g͏̇iroúmba ko; g͏̇atun kóti ta g͏̇iroúmba yanti g͏̇intoa bo ba.
28. Gatun noa wiya bon, Gintoa wiyayelléu͏̇n tuloa; unni ta umulla gatun moron koa bi kauwal
29. Wonto noa ba kotelliela tuloa ko niuwoa bo, wiya bon noa Íethung͏̇, Gan-ke tia kóti bi kauwa͏̇l
30. Gatun noa Iéthuko wiya, Taraikan waita uwa barán <r1>Hierothalem kabirug͏̇ Jeriko kako, g͏̇atun nug͏̇gurrawa mankiye, mantilléu͏̇n bon kirrikin, g͏̇atun búnkulla, g͏̇atun bara waita uwa wareka g͏̇aiya bon búntoara.
31. Yakita g͏̇ati uwa wakal †hiereu barán ya pug͏̇ koa; g͏̇atun nakulla bon noa ba, uwa noa tarug͏̇ koa kaiyin ta koa.
32. Ganti yanti kiloa wakiil Lebikan kakulla noa ba unta, uwa nakulla gaiya bon, gatun noa uwa tarug͏̇ koa kaiyin ta koa.
33. Wonto ba wakal kiiri Thamariaka͏̇l uwolliela ba, uwa yaparig͏̇ kakilliela noa ba; g͏̇atun nakulla bon noa ba, minki bon noa kakulla g͏̇ikoug͏̇ kai,
