dies, and mine is but a lassie; if you'll tell me how ye got your laddie I'll tell you how I got my lassie, and then we'll be baith alike good o' the business.
The minister looks at him, Hute, tute, Saunders, lay down four pund and a groat, and come back tomorrow to the stool, and give satisfaction to the congregation, you had more need to be seeking repentance for that abominable sin of uncleanness, than speaking so to me.
San.] Then there is your siller stir, I hae gotten but poor pennyworths for't, and ye'll tell me to repent for't, what the auld thief needs I repent when I'm gaun to marry de woman, and then I'll hae to do't o'er again every day, or they'll be nae peace in the house; figs it's nonsense to pay siller, repent, and do't again too, a fine advice indeed master minister, and that is how ye live.
Wise Willy.] Now stir, you and master elders, ye manna put them on the black creepy till they be married; they suffered enough at ae time.
A well a well, said they, but they must marry very soon then.
I trow sae, says Sandy, ye'll be wanting mair siller, fule hate ye'll do for naething here.
Hame came Sandy, starving o' hunger, ye might a casten a knot on his lang guts, his mither was baking pease bannocks, up lie gets a lump of her leaven into his mouth Auld thief be in your haggies-bag, Sandy, kirk-fouks is ay greedy, ye been wi' the minister the day, ye'd get a good lang grace, he might a gien you meat, thou filthy dog it tu is, thou hast the bulk of a little whalpie of my leaven in your guts, it wada been four good bannocks and a scone, and a sair'd our Sunday's dinner, sae wad it een, but an ye keep a reeking house and a rocking cradle three eleven years as I hae done, less o' that will sair ye
