VII. De Castitate.
Awend ðine eagan fram yfelre gesihðe. and ne gelustfulla ðu ðæt ðu mid fulre lufe sceawie wlitigra wifmanna andwlitan. ðæt ðu ðurh yfele gewilnunge becume to wite. Gemun ðu. min beam, hwam ðu gehalgodest ðine agene lima, and ne læt ðu nates hwon hi beon gemengede mid fulum myltestrum. Awend ðine lufe fram wifmanna lufe. ðe læs ðe hire lufu ðe beluce fram Criste. Ne forseoh ðu nates hwon ða lytlan gyltas on ðe. ðe læs ðe ða læssan æðe gelsedan to maran. Ne hiwa ðu. min beam, swilce ðu mid bilewitnysse mæge ðe gan orsorh to mædena husum. and wið hi motian. ðæt ðin mod ne beo yfele besmiten ðurh ða ydelan spellunga. Ne ðince ðe to hefityme to gehyrenne mine spræce. ac gelyf minum wordum. Hit is gewisslice soð, gif se munuc wyle gan oððe se gelæreda preost to wifmanna husum. and wið hy motian. and gif ðæm mædenum likiað hyra luftyman spræce à. sona hy awendað hyra wurðfullnysse. and hi sylfwilles forleosað ðæt ðæt hi Gode beheton. Ne magon na swilce men makian wununge ðam clængeornan Gode on clænre heortan. ac hy beoð tolysede ungeleaffullice. swa swa forrotod ðreax on hyra unðeawum. Se mægðhad sceal beon mid ðæs modes godnysse Criste sylfum geoffrod be agenum willan buton ælcere hiwunge mid halgum ðeawum simle. ne man ne mot befylan mid fulre besmitennysse ðæt ðæt man Gode behateð. and him gehalgod bið. On ægðrum hade byð se halga mægðhad on cnihtum. and on mædenum. on munecum and on mynecenum. ðam ðe fram cildhade swa gesælie wurdon. ðæt hig æfre
