8
And dinna rin away like a frighted bird,
That's chas'd frae its nest in the morning,
Hey Johnnie Coup, &c.
When Johnnie Coup he heard of this,
He thought it wadna be amiss,
To hae a horse in readiness,
To flie awa' i' the morning.
Hey Johnnie Coup, &c.
Fy now Johnnie get up and rin,
The Highland bagpipes makes a din,
It's best to sleep in a hale skin,
For 'twill be a bluddie morning.
Hey Johnnie Coup, &c.
When Johnnie Coup to Dunbar came,
They speir'd at him where's 'a' your men;
The deil confound me gin I ken,
For I left them a' in the morning.
Hey Johnnie Coup, &c.
Now Johnnie, troth, ye wasna blate,
To come wi' the news o' your ain defeat,
And leave your men in sic a strait,
So early in the morning.
Hey Johnnie Coup, &c.
Ah, faith, quo' Johnnie, I got a fleg,
With their claymores and philabegs,
If I face them again, deil break my legs,
So I wish you a good morning.
Hey Johnnie Coup, &c.
