minores in London. And there beganne the Observanttes, and came with the kynges letters and commandment for sertayne placis, and so beganne with Newcastelle, Cauntorbery, and Sowthamtone.
And the kynges loggyne at Shene burnyd. Perkyn Warbyke sett on a skaffold in Chepe.
xiiijo. Ao. Thys yere the xxij. daye of February was borne at Grenwyche the third sone of kynge Henry the Seventh, namyd Edmonde duke of Somerset.
xvo. Ao. Thys yere in November Perkyne Warbyke was convicte of tresone and draune from the tower of London to Tyborne, and there hongyd and be-heddyd; and the same tyme was juggyd to dye for tresone the erle of Warwyke sone to the duke of Clarans be fore rehersyd, wyche erle had bene kepte in the tower from the age of xj. yere un to the ende of xiiij. yere after, and the xxviijth. day of November was beheddyd at the towre hyll. And the same daye was grete flooddes, wynddes, thunder, lytnynges, wyche dyd moche harme and hurte in dyvers placys and countres in Ynglonde.
And the viij. daye of May nexte after the kynge and the qwene went to Callys, and thether came the duke of Burgone and spake with the kynge[1] in sent Peters church withowte the towne the space of seven oweres with moche honor and solas, and so departyd. And the xiiij. day of June after the kynge and qwene came home agayne. Thys was in the yere of our Lord xv C. And the same monyth in December descessid the kynges thurde sonne Edmonde, and was burryd at Westminster. And the same yere dyde the archbyshoppe of Yorke,[2] the byshoppe of Norwyche,[3] and the byshoppe of Elye.[4] And in September followynge dyscessyd the the byshoppe of Cauntorbery, Morton, cardnalle and chaunceler of Ynglond. And this yere was brent a palmer. And a grete pestelens thorrow all Ynglonde and a grete d [earth.]
xvjo. Ao. Thys yere the kynge byldyd new hys maner of Shene, and changed the name and namyd it Richemonde, and he byldyd new
