( 22 )
Kate. O yes, my mither tell'd me; but I'm no ready yet: I ha'e twa gowns to spin, and things to mak.
Sawny. Hute, things to mak, ye ha'e as mony things as ye'll need woman; canna ye spin gowns in your ain house wi' me, as right as here wi' an auld girning mither?
Kate. But dear, Saunders, ye maun gi'e a body some time to think on't, 'twad be ill-far'd to rush thegither just at the first.
Sawny. An' do you think I ha'e naething ado but come here every ither day hoiting after you? It'll no do, I maun be either aff wi' you, or on wi' you; either tell me, or tak me, for I ken of other twa, an' some o' you I will ha'e; for as I'm a sinner, my mither is gawn to be married too, an' she can get a bit man o' ony shape or trade.
Kate. Indeed then, Saunders, since you're in such a haste, ye maun e'en tak them that's readiest, for am no ready yet.
Sawny. Dear, woman, whan your mither an' my mituer's pleas'd am willing to venture on ye, what a sorrow ails you?
Kate. Na, na, I'll think on't twa or three days; it's o'er lang a term to see without a thought.
Sawny. Wode I think ye're a cumstrarie piece o'stuff, it's true enough your mither said o'ye, that ye're no for a poor man.
Kate. An' what mair said she o' me?
