This page has been validated.
3
Ye might be my gutcher—auld Donald gae 'wa.
I'm gaun to meet Johnnie, he's young and he's bonny;
He's been at Meg's bridal; fu' trig and fu' braw;
O nane dances sae lightly, sue gracefu', sae tightly,
His cheek's like the new rose, his brow's like the snaw.
He's been at Meg's bridal; fu' trig and fu' braw;
O nane dances sae lightly, sue gracefu', sae tightly,
His cheek's like the new rose, his brow's like the snaw.
Dear Marion, let that flee stick fast to the wa',
Your Jock's but a gowk, and has naething ava;
The hale o' his pack he has now on his back;
He's thretty, and I am but threescore and twa.
Your Jock's but a gowk, and has naething ava;
The hale o' his pack he has now on his back;
He's thretty, and I am but threescore and twa.
Be frank now and kin'ly, I'll busk ye ay finely;
To kirk or to market they'll few gang sae braw;
A bien house to bide in, a chaise for to ride in,
And flunkies to 'tend ye as aft as ye ca'.
To kirk or to market they'll few gang sae braw;
A bien house to bide in, a chaise for to ride in,
And flunkies to 'tend ye as aft as ye ca'.
