This page has been validated.
THRUMMY CAP
A TALE
IN ancient times, far i' the north,
A hunder miles ayont the Forth,
Upon a stormy winter day,
Twa men forgather'd o' the way,
Ane was a sturdy bardoch chiel
An' frae the weather happit weel,
Wi' a mill'd plaiding jockey-coat
And eke he on his head had got
A thrummy cap, baith large and stout,
Wi' flaps ahind, as weel's a snout,
Whilk button'd close aneath his chin,
To keep the cauld frae getting in ;
Upon his legs he had gammashes,
Whilk sodgers term their spatterdashes
An' on his hands, instead o'gloves,
Large doddy mittens, whilk he'd roose
For warmness, an' an aiken stick
Nae verra lang, but unco thick,
Until his neive---he drave awa',
And car'd for neithier frost nor snaw
The ither was just the reverse,
