This page has been validated.
CORN RIGS ARE BONNY.
It was upon a Lammas night
When corn rigs are bonny,
Beneath the moon's unclouded light,
I held awa to Annie:
The time flew by wi' tentless heed,
Till 'tween the late and early,
Wi' sma persuasion she agreed,
To see me through the barley.
chorus.
Corn rigs and barley rigs.
And corn rigs are bonny:
I'll ne'er forget that happy night,
Amang the rigs wi' Annie.
The sky was blue the wind was still,
The moon was shining clearly,
I set her down wi' right guid will,
Amang the rigs o' barley;
I kent her heart was a' my ain;
I lov'd her most sincerely,
I kiss'd her owre and owre again
Amang the rigs o' barley.
