BACO DE VERULAMIO,
instauratio magna-præfatio.
De nobis ipsis silemus: de re autem, quæ agitur, petimus: ut homines eam non Opinionem, sed Opus esse cogitent; ac pro certo habeant, non Sectæ nos alicujus, aut Placiti, sed utilitatis et amplitudinis humanæ fundamenta moliri. Deinde ut suis commodis æqui—in commune consulant—et ipsi in partem veniant. Præterea ut bene sperent, neque Instaurationem nostram ut quiddam infinitum et ultra mortale fingant, et animo concipiant: quum revera sit infiniti erroris finis et terminus legitimus.
