6
anither, like ash girderings out o' ae root; and that he's to get, on the hale, about twenty thousand punds worth o' damages?"
That's an unco sight o'siller. John How muckle is that?”
"Aha, lass, ye fixed me now; but they say it will come to as muckle goud as six men can carry on their backs. And we're a to get twenties, and thirties and forties o' punds for bribes, to gar us gie faithfu' and true evidences at the great concluding trial afore the Lords; and you are to be bribit amang the rest, to gar ye tell the hale truth, and nothing but the truth."
“There needs nae waste o' siller to gar me do that. But, Johnie, I wad like to ken whether that mode o' taking oaths, solemn and sacred oaths, about the miserable trash o' this warld, be according to the tenor o gospel revelation, and the third o' the commands?"
"Aha, lass, ye hae fixed me now! That's rather a kittle point, but I believe it's a' true that ye say, However, ye'll get the offer o' a great bribe afore hand; for if ye lippen to your master's promises, you will never finger a bodle after the job's
