4 Euangelium [I, 24—
- and cwæð, Ēalā Nazarenisca Hǣlend, hwæt is ūs and þē? cōm ðū ūs tō forspillanne? Ic wāt þū eart Godes Hālga.
- Ðā cīdde sē Hǣlend him, and cwæð, Ādumba, and gā of þisum men.
- And sē unclǣna gāst, hine slītende and mycelre stefne clypiende, him of ēode.
- Þā wundredon hī ealle swā þæt hī betwux him cwǣdon, Hwæt ys þis? hwæt is þēos nīwe lār, þæt hē on anwealde unclǣnum gāstum bebȳt, and hī hȳrsumiað him?
- And sōna fērde his hlīsa tō Galilea rīce.
- Hrædlīce of hyra gesamnunge hī cōmon on Simonis and Andreas hūs, mid Iacobe and Iohanne.
- Sōðlice ðā sæt Simonis swegr hriðigende; and hī him be hyre sǣdon.
- And genēalǣcende hē hī ūp āhōf, hyre handa gegripenre, and hrædlīce sē fēfor hī forlēt, hēo þēnode him.
- Sōðlīce þā hit wæs ǣfen geworden, þā sunne tō setle ēode, hī brōhton tō him ealle þā unhālan and þā ðe wōde wǣron;
- and eall sēo burhwaru wæs gegaderod tō þǣre dura.
25. A, þyssum. — 26. A, clypigende, B, clipiende. — 27. A, betweox. — 29. A, gesomnunge, B, gesamnuncge. — 30. A, sweger, B, sweger (second e above the line); A hryþiende. — 31. A fefer. — 32. A, sefen wæs (changed order). — 33. Corp., B, duran, A, dura.
