This page needs to be proofread.
ii, 26]
Secundum Marcum
9
guma him bið fram ācyrred, and þonne hī fæstað on þām dagum.
- Nān man ne sīwaþ nīwne scyp tō ealdum rēafe; elles hē āfyrð þone nīwan scyp of þām ealdan rēafe, and biþ māre slite.
- And nān man ne dēð nīwe wīn on ealde bytta; elles þæt wīn tōbrycð þā bytta, and þæt wīn bið āgoten, and þā bytta forwurðaþ. Ac nīwe wīn sceal bēon gedōn on nīwe bytta; þonne bēoð būtū gehealden.
- Eft wæs geworden, þā hē restedagum þurh æceras ēode, his leorningcnihtas ongunnan þā ēar pluccigean.
- Þā cwǣdon Pharisei tō him, Lōca nū hwæt þīne leorningcnihtas dōð þæt him ālȳfed næs on restedagum.
- Þā sǣde hē him, Ne rǣdde gē næfre hwæt dyde Dauid, þā hine hingrode, and þā ðe mid him wǣron?
- hū hē in Godes hūse ēode, under Abiathar þāra sācerda ealdre, and hē ǣt þā ofrunghlāfas þe him ne ālȳfede nǣron tō etanne, būton sācerdon ānum, and hē sealde þām ðe mid him wǣron?
21. A, scep (second time). — 22. A, forweorþað. — 23. A, pluccian þa ear (changed order). — 25. A, hingrede, B, hungrode. — 26. A, into (for in); A, offrunghlafas; A, hym næron alyfede (om. ne; changed order), B, ne alyfed næron; B, ætanne; A, butan; A, sacerdum.
