This page has been validated.
THE
EWIE WI' THE CROOKIT HORN
Were I but able to rehearse
My Ewie's praise in proper verse,
I'd found it out as loud and fierce
As ever pipers drone could blaw.
The ewie wi the crookit horn:
Wha had kent her might hae sworn
Sic a ewe was never born,
Here about nor far awa.
I never needed tar nor keil
To mark her upo hip or heel,
Her crookit horn did as weel
To ken hersby amo them a;
She never threatned scab nor rot,
But keepit ay her ain jog-trot,
Baith to the sauld and to the cot,
Was never sweir to lead nor ca
