15
repent for't; what the auld thief needs I repent, when I'm gaun to marry the woman and then I hae to do't o'er again every day, or there'll be nae peace in the house; figs its nonsense to pay siller, repent, and did again too, a good advice indeed master minister, an' that the way to do.
Willie. Now, sir, and you master elders, ye mauna put them on the black creepy till they be married, they've suffered enough at ae time.
Aweel, aweel, said they, but they must marry very soon.
I true, Sandy, ye'll be wanting mair clink; foul hae't ye do for naething, here.
Hame comes Sandy, starving o' hunger; ye might a cast a knot on his lang guts. His mither was baking p(illegible text) bannocks, up he gets a lump of her leaven into his mouth. Auld thief be in your haggies bag, Sandy, says his mither, kirk folk are ay greedy, ye hae been with the minister all day; you'd get a guid lang grace, he might a gien ye meat too; filthy dog that thou is you have the bulk o' a little pye o' my leaven in your guts; it would a sair'd ane's diner, sae wad it e'en, but an ye keep a reeking house and a rocking cradle three eleven years, as I hae done, less o' that will serve you yet, baggy beast it thou is, main it I bore thee now, hear ye that my dow.
