7
And when of me his leave he took,
The tears they wat mine ee:
I gied him sic a parting look!
“My benison gang wi’ thee!
God speid theo weel, mine ain dear heart,
For gane is a’ my joy,
My heart is rent, sith we maun part,
My handsome Gilderoy.”
The Queen of Scots possessed nought
That my love let me want;
For cow and ewe he to me brought,
And e’en whan they were scant;
All these did honestly possess
He never did annoy,
Who never fail'd to pay their coss
To my love Gilderoy.
My Gilderoy, baith far and near,
Was fear’d in every town;
And bauldly bear awa the gear.
Of mony a lawland loun.
For man to man durst meet him nane,
He was sae brave a boy:
At length wi’ numbers he was tane—
My winsome Gilderoy.
Waeworth the loons that made the laws
To hang a man for gear;
To reave of life for sic a cause
As stealing horse or mare!
Had not their laws been made mae strick
I ne’er had lost my joy;
